"meteorebi modian kacurad ar unda davxvdet?"

გუშინ კოტემ უცნაურ ქართულ საიტზე აღმოაჩინა ინფორმაცია - მეტეორების ზამთრის წვიმის შესახებ, მომწერა. შევძვერით ნასაში - ნასამ დაადასტურა. სამწუხაროდ გუშინვე ვერ გვქონდა შესაბამისი რეაგირება, ანუ ისე უხერხულად ვიყავით გადანაწილებულები დროსა და სივრცეში რო ვერსად გავედით. სამაგიეროდ, თამთა და მოლკო ასულან 16 სართულიანის სახურავზე - მაგრამ ცა ნისლიანი იყო და არაფერი ჩანდა.

დღეს დაგეგმილია ურბანული ექსპედიცია ქალაქის ბოლოსკენ მეტეორების ყველაზე დიდი წვიმის სანახავად. იმედი გვაქვს მოვასწრებთ. როგორც ნასა ამბობს თუ კარგი ადგილი იპოვე - საათში ასზე მეტი მეტეორის ნახვას შეძლებ. თუ მეტეორები ვერ ვნახეთ - ექსპედიცია მაინც შედგება. + ქალაქის ბოლოშია გადანახული ჩვენი საერთო გეიმერული განძი - პოირველი ფლეისთეიშენი.

ნოკია კი არ აკავშირებს ხალხს, ხალხს აკავშირებს კოსმოსი :)))

ასე ახლოვდებოდა ზამთარი

რათქმაუნდა ელექტრონულ მუსიკაზე ტრაკისქნევის და პროგრამირების ენების უმად ჭამის გარდა ჩვენი აქტიური შიზოანალიტიკური მოქალაქეობრივი პოზიცია გულისხმობს საკუთარ ბიოკომპიუტერთან (ტვინთან) მუშაობას, ტელევიზორში თვალმოკრული პერსონაჟებისთვის დედისტრაკის დახურვას და Playstation 1-ის თამაშს. ჩვენ ხომ მემარცხენე ლიბერტარიანელი კოპილეფტერების და "პოეტების" და "ნიჭიერი ბიჭების" გარდა გეტოს დიდფალოსიანი შამანები ვართ. :)

წინა კვირიდან სამი ისტორია .

1. PLAYSTATION

კვირა დაიწყო - ბავშვური ტრავმით. თინეიჯერმა მეგობრებმა დაბალ ფასებში შეიძინეს ჩემი ბავშვობის ვიდეოსასწაული - PLAYSTATION 1. თუ დაახლოებით ჩემხელა (24) მამრი ხარ და ცივ ნიავს გაკარებდნენ დიდი დოზებით - მაშინ 100-იდან 98% ნათამაშები გექნება ფლეისთეიშენის ფეხბურთი, ტეკენი ან რამე სხვა თამაში, სადმე გარაჯში, რათქმაუნდა ფულის გადახდით და ლიმიტირებული დროით. შესაბამისად ეს ლიმიტირება ეშმაკურ ზრახვებს ტოვებს რომ კიდევ გინდა თამაში. ამის შედეგად რამდენიმე უკვე არათინეიჯერი ახალგაზრდა ისე გაგვახარა ფლეისთეიშენის შეძენამ რომ აბსოლუტურად გავირყვენით, მივატოვეთ ყველაფერი და რამდენიმე დღე და ღამე პლანეტა ჩვენს გარეშე ტრიალებდა. კარგი იყო. to be continued..

and YOU can join us! :))

2. Tbilisi Never on Sunday

ჩამოსული იყო ვინმე ამხანაგი დენიელ ბაუმანი რომელიც მეექვსე წელია ატარებს პერფორმანსების და ივენთების სერიას მსოფლიოს სხვადასხვა ქალაქებში, წლევანდელი თბილისური ვიზიტი 6 დღე გრძელდებოდა და მოიცავდა ბევრ საინტერესო ივენთს, გამოფენას, პერფორმანსს და სმა ჭამას. "Tbilisi6 Never On Sunday"-ს ფარგლებში მე, თაზომ(Grinch, Paris Lee) და ფარჩილამ გავაკეთოთ ჩვენი სამშობლოს საამაყო (LOL) ელექტრონული პოპ პროექტის Kung Fu Junkie-ს პერფორმანსი. :) თავიდან პერფორმანსის მიზანი იყო გაგვეკეთებინა პოპ კონცერტი სადაც შემსრულებლები დამალულები იქნებოდნენ ყუთებში, თუმცა შემდეგ თაზოს გამჭრიახმა გონებამ გრძელ პარკებს მიაგნო ელიავას ბაზრობაზე (მომავალ" რობოტექნიკის ნაგავსაყრელზე," ლოლ) და სცენა დაიხურა პოლიეთილენის გამგუდველი პარკით, რომელსაც ამშვენებდა ცნობილი მაგის, არისტორკატის, მეტრაკის და ნარკამანის ალისთერ ქროულის ერთადერთი რეალურად კარგი ფრაზა: "ყოველი მამკაცი და ყოველი ქალი - ვარსკვლავია". ამავდროულად ნიუ არტ კაფის (სადაც გაიმართა პერფორმანსი) შემოსასვლელში ჩამოკიდებული იყო ჩემი 16ბიტიანი სეგა მეგა დრაივი შიგ ჩარჭობილი "მორტალ კომბატ III"-ის კარტრიჯით, ასე რომ ნებისმიერ მსმენელს შეეძლო აეთამაშებინა საკუთარი თითის ბალიშები და დაეტესტა თავისი ტრაკი სიმყარეზე.

ამ მოკლე ჩანაწერზე გაცილებით კულტურულად აქვს აღწერილი ღონისძიება ამხანაგ შოთა გაგარინს აქ.

რამდენიმე ფოტო კი შეგიძლიათ ნახოთ ჩვენი არტ-ჯგუფის ბლოღზე აქ.

3. მესამე ისტორია არის ექსპერიმენტი - სუნთქვა.

ამხანაგი კაპიტანის დახმარებით და ზედამხედველობით პირველად ჩავატარე ჰოლოტროპული სუნთქვის დამოუკიდებელი ექსპერიმენტი სახლის პირობებში. ჰოლოტროპული სუნთქვა სტანისლავ გროფის მიერ შემუშავებული სუნთქვითი პრაქტიკაა, რომელიც მან ელესდეს აკრძალვის შემდეგ შეიმუშავა როგორც ელესდეს - საკუთარი არაცნობიერის მკვლევარი რაკეტის - უფასო და ჯანმრთელი შემცვლელი

პირველი სუნთქვითი ექსპერიმენტი რომელიც ცხოვრებაში მანამდე გამომიცდია ფსევდო-იოგაზე სიარულის დროს იყო, რომელზეც ვწერდი აქ.

ამ შემთხვევაში კი ეს იყო აბსოლუტურად DIY ექსპერიმენტი. პირველ სუნთქვასთან შედარებით ძალიან შორს ვერ გავედი, თუმცა კონცეტრირება მოვახდინე სხეულის ბლოკებზე, ამ შემთხვევაში ეგეთი ბლოკი მხოლოდ ორი მქონდა: დაჭიმული ტუჩები და დაკრუნჩხული ხელები.

ხილვები არ მქონია თუმცა ერთი ორი საინტერესო ხატი მაინც გაიპარა ჩემს ცნობიერში. ეს იყო ბლანტი მოყავისფრო ორგანიზმი, თუ ორგანო. არ მახსოვს. რათქმაუნდა სუნთქვის მერე აბსოლუტურ კაიფში ხარ. უფასოდ, ლეგალურად, მოურიდებლად, ბედნიერად. :)

საკუთარი არსების კვლვევა სასიამოვნო პროცესი უნდა იყოს. (ნუ მოტივაცია მანც უნდა გქონდეს პოზიტიური, კაკ მინიმუმ). to be continued 2. :)

..& YOU can.. mm, YOU know what you can.. :)

P.S.
"ასე ყვებოდა ჩემი წამოწოლილი მეგობარი, რომელსაც უკნიდან უახლოვდებოდა მისი მეგობარი, რომელსაც თავის მხრივ უახლოვდებოდა ზამთარი" :D

Lado Oniani

Telephone,2007. Lado Oniani

ჩემთვის ყველაზე ახლობელი და ყველაზე საყვარელი არტისტი რომელიც შეიძლება არსებობდეს ამ ქვეყანაში.
აუცილებლად ესტუმრეთ ლადო ონიანის საიტს.
აქ შეგიძლიათ ნახოთ ლადოს რობოტები, ნახატები, გენიალური აუდიოწიგნი სამეცნიერო ფანტასტიკის ჟანრში, ლადოს ქანდაკებები და ინსტალაციები.
აქვე უახლოეს მომავალში შეგეძლებათ გადმოქაჩოთ "ტელეფონის ფანტომის" პროგრამა, აბსოლუტურად უფასოდ. ადრე მგონი შევეხე ამ თემას.
ტელეფონის ფანტომი მომავალში ალბათ დამოუკიდებელ კაბელურ არსებად გადაიქცევა მაგრამ მანამდე თქვენ საშუალება გექნებათ ფანტომის დახმარებით უამრავ უცნობ ადამიანს გააგებინოთ თქვენი მესიჯი, მიმართვა, სიმღერა და ა.შ.
ფანტომი დარეკავს უცნობი ადამიანების ტელეფონზე და გადასცემს მათ თქვენს ინფორმაციას.

Radiosmith,2008. lado Oniani

Diskette,2006. Lado Oniani

Rain Prophet,2009. Lado Oniani (გადაღებულია მზადების პროცესში)

--------------------------

www.lado.wanderingphantom.com

რელიგია და კორპორაცია

ჩვენი ესე "რელიგია და კორპორაცია" დაიბეჭდა წინა თვის "ცხელ შოკოლადში".


ტრანსნაციონალური კორპორაციები, გუგლის ეკლესია, ინტერნეტ-რელიგიები, ტექნოლოგიური სინგულარობა და ახალი ფანატიკური სარწმუნოების საფუძვლები - ერთ გრძელ და საინტერესო ფუტუროლოგიურ ტექსტში.

"თუ გავითვალისწინებთ ადამიანების უმრავლესობის ტოტალურ ტექნოლოგიურ უვიცობას, შეგვიძლია ვივარაუდოთ, რომ წარმოუდგენლად დიდი მეგა-კორპორაციები და უმაღლესი ტექნოლოგიები, რომლებიც თავის დროზე პირველი რაციონალური ანტირელიგიური ტალღა იყო, პოსტმოდერნულ კორპორაციულ სამყაროში შეიძლება გადაიქცეს ახალ "საკრალურ" სფეროდ, რომელიც ისეთივე შემზარავ და აუხსნელ ეფექტს მოახდენს საშუალოსტატისტიკურ, ტექნოლოგიურად ჩამორჩენილ ადამიანზე, როგორსაც - - ჭექა-ქუხილი ახდენდა პირველყოფილ ადამიანზე."

"ალბათ მსოფლიოს ვერც ერთ ეკლესიას ვერ დაესიზმრება მრევლის მოზიდვის ის ტექნიკა, როგორსაც დაამზადებს მილიარდიანი კორპორაცია, თუ მის ხელში ჩავარდა შესაძლებლობა, მიითვისოს ცნობიერების ის ნაწილი, რომელიც პასუხისმგებელია რელიგიურ გრძნობებზე, ფანატიზმზე, რელიგიურ ექსტაზზე და ა.შ."

რელიგია და კორპორაცია

სიმულაციის არგუმენტი

თანამედროვე ფილოსოფიაში "სიმულაციის არგუმენტით" ცნობილია საკმაოდ საკამათო და სახალისო თეორია - ვცხოვრობთ თუ არა მომავლის სუპერკომპიუტერის მიერ წარმოებულ სიმულაციურ სამყაროში?
რამდენია იმის შანსი რომ სამყარო რომელშიც თქვენ ამ ტექსტს კითხულობთ რეალურია?

"სიმულაციის არგუმენტის" ავტორი, ოქსფორდელი ტრანსჰუმანისტი ფილოსოფოსი ნიკ ბოსტრომი ვარაუდობს რომ "ქვევითწარმოდგენილ ვარიანტთაგან უკიდურეს შემთხვევაში ერთი ვარიანტი მაინც ჭეშმარიტია : 1) დიდი შანსია რომ კაცობრიობა ამოწყდება უფრო ადრე სანამ მიაღწევს "პოსტჰუმანურ" ფაზას 2) იმის შანსი რომ პოსტჰუმანური ცივილიზაციები "გაუშვებენ" საკუთარი ევოლუციის (ან მისი ვარიანტების) სიმულაციას ფაქტიურად უდრის ნულს ან 3) ჩვენ თითქმის უეჭველი ვცხოვრობთ სიმულაციაში. და პოსტჰუმანურ ფაზაში (სადაც ჩვენც შევძლებთ სიმულაციური სამყაროების წარმოებას) გადასვლის შანსი ფაქტიურად ნულის ტოლია თუ ეს ფაზა არ არის გათვალისწინებული სიმულაციური პროგრამის მიერ."

ამ მოკლე წინასიტყვაობას მოყვება ბოსტრომის გრძელი და საინტერესო აზროვნებითი ექსპერიმენტი სიმულაციის არსებობა-არარსებობის შესახებ.
ძირითადი დებულება ესაა: თუ ჩვენ ვლაპარაკობთ ჩვენს პოსტჰუმან შვილთაშვილებზე რომელთა რუტინული ყოველდღიურობა როგორც ჩვეულებრივ მოცემულობას ისე შეიცავს ჩვენს დღევანდელ ზე-პროექტებს, თეორიებს და ოცნებებს, მაშინ შესაძლებელია რომ მათ გააჩნიათ ათასჯერ უფრო სწრაფი და ძლიერი (კვანტური, ნანო, ბირთვული როგორიც გნებავთ ისეთ საფუძველზე მომუშავე) კომპიუტერები. რაც ნიშნავს იმას რომ მათ შეუძლიათ შექმნან ჩვეულებრივი "ვირტუალური მანქანის" პრინციპზე მომუშავე პროგრამა. მინი სამყარო. "წინაპრების სიმულაცია". სადაც ყოველ სიმულაციურ ადამიანს ექნება ცნობიერება. (ბოსტრომი არ გამორიცხავს იმასაც რომ შეიძლება ეს არ იყოს მთელი სამყარო და იყოს მხოლოდ სიმულაციური პიროვნებების ჯგუფი რომელთაც ექნებათ ნამდვილი ცნობიერება, სხვა სამყარო კი იქნება უბრალოდ ისე დაპროგრამებული რომ ამ ჯგუფს ან ცალკეულ ადამიანს შეექმნას ილუზია რომ ის რეალურია).
აქედან გამომდინარე თუ ასეთ პროგრამა-სამყაროს არ დავუწესებთ მკაცრ კანონებს და მივუშვებთ თავის ნებაზე ის შეიძლება მივიდეს დონემდე როცა მის შიგნითაც შეიქმნება სხვა სიმულაციური სამყარო. "ვირტუალურ მანქანას" კი არ აქვს STOP. ახალი სიმულაციური სამყაროს შიგნით შექმნილ სიმულაციურ სამყაროში თავის მხრივ კიდევ შეიძლება შეიქმნას სამყარო და ამ სამყაროთა არსებობის შესაძლებლობას არ აქვს პრაქტიკული საზღვარი. აქედან გამომდინარე, ბოსტრომის აზრით თუ მისი პირველი და მეორე პუნქტი არ განხორციელდა რაც ნიშნავს რომ თუ კაცობრიობა არ დაიღუპა ან თუ პოსტჰუმანურმა ცივილიზაციამ არ დაიკიდა სიმულაციის განხორციელების ვარიანტი, მაშინ ძალიან ძალიან დიდი შანსია რომ სამყარო რომელშიც ვართ არის - ვირტუალური მანქანა.

აქედან გამომდინარე სრული არანორმალური პათოსით შეიძლება ლაპარაკი ახალი სახის ეგზისტენციალიზმზე და დაბოლილზე შეიძლება ჩვენი პოსტჰუმანური ადმინების, user-ების და ზედამხედველების გაშარჟება რამდენადაც თუ ჩვენ სიმულაციურ პროგრამაში ვართ მაშინ უფრო დიდი შანსია რომ სხვა, ზე-სამყარო სადაც შეიქმნა ჩვენი სამყაროს პროგრამა - ასევე პროგრამაა. :))
სხვათაშორის "ძველი სამყაროს" ღმერთები და ნახევრადღმერთები თავისუფლად შეიძლება აღმოჩნდნენ პოსტჰუმანური სამყაროს "პრადვინუტი" გეიმერი ბავშვები :)

სანამ იკამათებთ კარგი იქნება თუ გაეცნობით სიმულაციური არგუმენტის მთლიან ტექსტს, მაგალითად აქ.
დევიდ პირსის აზრით სიმულაციური არგუმენტი ერთერთი ყველაზე მნიშვნელოვანი მოვლენაა გასული 2000 წლის განმავლობაში. :))

ამ შემთხვევაში ჩემთვის როგორც თიმ ლირის (დიდი დოზით New Age-ელი განგსტერის) "ფანატისთვის" ძალიან საინტერესოა როგორ იკვეთება ხოლმე თანამედროვე ექსპერიმენტალური ფილოსოფიის, ფიზიკის და ხელოვნების გზები მაგ. ბუდიზმის სამყაროსეულ ახსნასთან.
ამავე ჭრილში ჩემთვის ისევ და ისევ აქტუალურია გნოსტიციზმიც, რომლის "დამახინჯებულ" ფორმებზეც ვლაპარაკობდი "რეალობის განადგურებაში".
ამ ჭრილში (და არა მარტო ამ ჭრილში) უსასრულოდ საინტერესოა ფილიპ დიკის Sci-Fi გნოსტიციზმიც. სამყარო რომელიც აქამდე არ არსებობდა და თანდათან გადადის არსებობაში. თავიდან უნდა გადავიკითხო "VALIS".

თქვენ კი შეგიძლიათ მანამდე დატკბეთ მშვენიერი ამერიკანსკი ფილმით ზუსტად ამ თემატიკაზე:
the Thirteenth Floor

--------------

P.S.
არვიცი რამდენად მნიშვნელოვანია ის ფაქტი მართლა ვარსებობთ თუ გამოგონილები ვართ.
თუ სატელევიზიო რეკლამისთვის დათმობილ დროზე ცოტა უფრო მეტ დროს დაუთმობთ ამ თეორიას მან შეიძლება დაგატყვევოთ კიდეც. :)
რათქმაუნდა ალბათ ცოტას თუ უნდა ამ პლანეტაზე რომ ის აღმოჩნდეს არარეალური, მაგრამ რა შეიცვლება თუ ამ ინფორმაციას თუნდაც დიიიიდი დინამიკებით გვეტყვიან მთელს კაცობრიობას?

ყოველ შემთხვევაში თუ ეს სამყარო თამაშია,
ჩვენ აქ ვართ:
რადიკალური ბუდისტები PHD-ით კიბერნეტიკაში.
პოეტები რომლებიც ლექსებს წერენ პროგრამირების ენებზე.
ტროცკისტი კოსმონავტები ღია კოსმოსში, რომლებიც პერმანენტული რევოლუციის აღტაცებით იძირებიან სამყაროს საშოში.
უდიდესი კორპორაციები და რადიკალი ტერორისტები რომლებიც რეალობის ჰაკერები არიან.
ენტროპიული კომუნიკაციების სოციოლოგები და მესამე სამყაროს გაუნათლებელი ბავშვები მოხარშული კოვზებით ნაცრისფერ "ხრუშოვკებში" .

CHOOSE YOUR PLAYER. :)

OFFLINE

ასე უეცრად გამეღვიძა
16 ბიტიანი სტერეო განთიადების ცივ ნათებაში
დაბალბიუჯეტიანი ცარიელი დღეების სერიალი
სადაც სიყვარული ნიშნავს მხოლოდ და მხოლოდ სითბოს წყაროს მოძიებას
ასე რომ შეიძლება უეცად თავდავიწყებით შეგიყვარდეს
გათბობის მილები, \"გრელკა\" ან ვინმე
ახლადგაცნობილი თბილი მაჩო.
პარტნიორების გადაგდება მოსულა.
იდეალური ღამეები ცხელი ჩაისა და ნარკოტიკებისთვის.


ასე უეცრად გამეღვიძა
OFFLINE რეჟიმში
დაცარიელებული პარკების მსუბუქი დეპრესიით და ახლადნაყიდი იარაღით ჯიბეში
უცხო, ვაგინალური სიზმრებით სუბტიტრების გარეშე
ხარვეზიანი კომუნიკაციებით ბინის პატრონთან
თოვლის ფიფქებივით თეთრი ტაბლეტებით
სექსივით მოსაწყენი ზეცის ფონზე
დასვრილი ფანჯრის ერთ მეოთხედზე.
იდეალური განთიადები წებოს სასუნთქავად.


პოსტაპოკალიპტური ხილვების ბარიგა გადამფრენი ფრინველებივით სასოწარკვეთილი სისტემა გადაულახავი ორგაზმული პიკები ღრმა ფსიქოლოგიური კრიზისების მუზეუმი შამპანური და დენდის თამაშები მონატრების ქსელის აბონენტებთან


ოთახებში სიჩუმე და სიცივეა,
გოგოები იკეტებიან ტუალეტებში და მასტურბირებენ
ამერიკული კომიქსების გარემოსთან ადაპტირებულ სუპერგმირებზე,
ბიჭები ეგუებიან სიმარტოვეს
და ერთობიან ლაითი ოვერდოზებით,
მერია წყალკანალში ცოტა ელესდეს აწვეთებს,
ხალხი ემზადება არჩევნებისთვის, კანდიდატები ჩურჩულით ესაუბრებიან უფალს.


ასე უეცრად გამომაღვიძა მეგობარმა ანთებული სახით:
-- წამო მოვკლათ Dj..
წამო მივითვისოთ სითბო..
წამო სახლში დედასთან, დედა სახლში მარტოა.
-- ალბათ თეფშებს რეცხავს, ომისთვის ემზადება..

ჩემი გამოღვიძება სახიფათო მოთენთილი აერობიკაა,
უნებლიე გალობაა , დაუნდობელი ლოცვაა

არშემდგარი კოსმონავტების
უშნო, მაგრამ გულკეთილი გოგოების,
მივიწყებული ავტორების,
არაფხიზელი პროლეტარების,
ნააბორტალი მიტოვებული დედების,
უნებლიე ანგელოზების,
სილამაზის სალონების,
უშიშროების მკვლელების
და სხვათა და სხვათა და მოწყენილთა მხარდასაჭერად

დაუმონტაჟებელი საღამოების უხეში ლაივების ჩაწერისას.

როდსაც უსაშველოდ გენატრება სრულიად უცნობი ადამიანი -- ესეიგი შენ სევდის ზღვარზე ხა.

პეპლის დიზაინი

მარტა დე მენეზიშის 1999-2000 წლის პროექტი "ბუნება?"
მარტამ შექმნა უნიკალური არტ პროდუქტი,
პეპლების განვითარების ბიოლოგიურ მექანიზმებზე ზემოქმედების შედეგად დაიბადა პეპელა უნიკალური ფრთის დიზაინით. დიზაინით რომელიც დღემდე ბუნებაში არ არსებულა. მართამ შექმნა პეპლები რომელთაც ქონდათ ერთი ბუნებრივი, გენეტიკური ფრთა ხოლო მეორე ოდნავ ასიმეტრიული, ხელოვნური ჩარევის შედეგად მიღებული, მაგრამ მაინც ბუნებრივი.

საინტერესოა ისიც რომ მარტამ არ დაარღვია ევოლუციური დინამიკა ანუ არცერთი შეტანილი ცვლილება არ გადავა მემკვიდრეობით.
მართას მიერ გამოყვანილი ყოველი პეპლა უნიკალური არსებაა, უნიკალური მოხატულობებით ფრთებზე რომლებიც ბუნებაში არ მოიპოვება. და მისი ნახვა შეუძლებელი იქნება მოცემული ორგანიზმის გაქრობის შედეგად.
მაგ. "ეხლა როცა ამ სტრიქონს ვწერ" -- ისინი უკვე არ არსებობენ. :(


"ხელოვნების ამ ფორმას გააჩნია საკუთარი ხანგრძლივობა და ის შემოსაზღვრულია პეპლის არსებობის ხანგრძლივობით. ეს არის ხელოვნების ფორმა რომელიც ამ სიტყვის პირდაპირი მნიშვნელობით -- ცოცხლობს და კვდება. ეს ერთდროულად ხელოვნებაცაა და სიცოცხლეც. არტი და ბიოლოგია."

Marta De Menezes

http://www.martademenezes.com/

---------
P.S. როგორც პირველი ტრანსჰუმანისტი არტისტი ნატაშა ვიტა-მორი ამბობს - მომავალში ჩვენ გვეყოლება ან ჩვენ თვითონ გავხდებით საკუთარი სხეულის ვერსაჩეები, ბიოლოგიური, ევოლუციური დიზაინერები..
ნატაშაც კონცეფციებზე შემდეგ კვირას დავწერ, მანამდე კი მაინტერესებს ჩემი საყვარელი დასახოცი ანონიმური მკითხველების აზრი :))
ასეთი სახის ხელოვნებაზე.
მთელს მსოფლიოში არტისტები თავისუფლად იყენებენ ტექნიკური პროგრესის მონაპოვარ კომპიუტერულ პროგრამებს, ფოტოშოპებს, ფრუტი ლუპსებს, ინტერნეტს, ტელევიზიას, სპეციალურ ტუშებს, ფანქრებს ბლაბლა ბლა და ა.შ.
მაგრამ ძალიან ცოტაა არტისტი ვინც თავის არტში იყენებს იყენებს მაგ. რენტგენს ან საოპერაციო მაგიდას.
მეცნიერების "მონაპოვარს" ბიოლოგიაში.

იქნებ ბიოლოგია ჩვენთვის არაცნობიერად ფარული, საკრალური სფეროა სადაც ბოგინი ფაქტიურად ნიშნავს საკუთარი თავის იდენტიფიცირებას მტრის, ჯადოქრის, საზიზღარი არსების როლში? და რომლის გამოც შეიძლება დაისაჯო?

CAE books

"არტ"-ჯგუფი ტაქტიკური მედიის, პოლიტიკური აქტივიზმის, ბიოტექნოლოგიების და კრიტიკული თეორიის სინთეზით.
კრიტიკული სახიფათო არტის კლასიკური მონსტრები: 'კრიტიკული ხელოვნების ანსამბლი".

აუცილებლად ჩასაყლაპი ლიტერატურა.

http://www.critical-art.net/books.html

just

http://sidneypink.com/

ოდესმე დაგსიზმრებია ეს ადამიანი?

ოდესმე დაგსიზმრებია ეს ადამიანი?

ყოველ ღამე მთელს მსოფლიოში ასობით ადამიანს ესიზმრება ეს სახე

ისტორია იწყება იმით რომ 2006 წელს ნიუ იორკში ცნობილმა ფსიქიატრმა დახატა მამაკაცი, რომელიც ხშირად ჩნდებოდა მის სიზმრებში და აძლევდა რჩევებს. ფსიქიატრმა ნახატი სამუშაო მაგიდაზე დადო და დაივიწყა. რამოდენიმე დღის შემდეგ კი ერთერთმა პაციენტმა შემთხვევით შენიშნა ფსიქიატრის ნახატი და მისი სიზმრების ხშირი სტუმარი მამაკაცი ამოიცნო.

საიტის ორგანიზატორების ლეგენდის თანახმად ასე დაიწყო "ამ კაცის" ძებნა მთელი მსოფლიოს მაშტაბით. დღეს უკვე ასობით ადამიანია აღმოჩენილი ვისაც ეს კაცი უნახავს სიზმარში.
ასე რომ, კარგად დააკვირდით ფოტოს და თუ ეს კაცი ოდესმე გამოჩენილა თქვენს სიზმრებში -- აუცილებლად მოგვწერეთ ჩვენ და აუცილებლად მიწერეთ ოფიციალურ საიტსაც. ამით ორივეს დაგვეხმარებით.

საიტზე შეგიძლიათ ასევე წაიკითხოთ ამ უცნაური მოვლენის ამხსნელი რამდენიმე განსხვავებული თეორია. ალბათ რომელიმე ათგანი აუცილებლად დააკმაყოფილებს ჩვენი ტვინის სწრაფვას რომ მოცემული მოვლენა ძალიან სწრაფად ჩავსვათ ჩვენი ამჟამინდელი განვითარებისთვის მისაღებ რაციონალურ თუ ირაციონალურ ჩარჩოებში.
აუცილებლად წაიკითხეთ ეს თეორიები, საინტერესოა.

http://thisman.org/

--------

მე კი უფლებას ვიტოვებ არ ვილაპარაკო ანალოგიურ მოვლენებზე დრიმჰაკინგის პრაქტიკაში
და ყურადღება გავამახვილო ვირუსული მარკეტინგის და არამატერიალური ხელოვნების ამ საოცარ სფეროზე
სადაც ნამდვილი პერფორმანსი -- ვირუსული იმიჯის მიერ ადამიანების ბიოკომპიუტერებში გამოწვეული ბიოქიმიური რეაქციებია.
ფანტომური თეატრი რომლის არსებობა მთლიანად რამოდენიმე წამს ითვლის -- ჩვენს მიერ ინფორმაციის მიღებიდან მასზე რეაქციებამდე.
ასეთი სახის კვლევისა და თეატრის ჰიბრიდზე ვლაპარაკობდი ერთერთ წინა პოსტშიც.

ეს ფანტომური თეატრი ამავდროულად უხილავი ნინძა ტერორისტია რომელიც ჩვენს რეაქციას ამოფარებული ჩვენივე ტვინებში ამაგრებს ნელი მოქმედების ნაღმებს რომლებიც ყვავილებივით იზრდებიან და საოცრად ლამაზად და მოულოდნელად ფეთქდებიან როცა იშლებიან და ჩვენ უეცრად ვხედავთ ამ კაცს სიზმარში, ვყიდულობთ კეტებს და არა ტუფლებს, უპირატესობას ვანიჭებთ სიტყვა "პორნოგრაფიის" ხშირად გამოყენებას, ვზასაობთ გეთსამანიის ბაღებში..

ჩემი ეს პოსტიც ამ პერფორმანსის საკვანძო ნაწილია, ჩემი პოსტით მე ძალაუნებურად ვადასტურებ "ამ კაცის" მემის სიძლიერეს და ჩემი წვლილი შემაქვს როგორც ამ კაცის მხილველთა გამოძიების საქმეში, ასევე "ამ კაცის" ვირუსულ მარკეტინგში.

შემდეგი პოსტი იქნება მემეტიკაზე.


p.s.
ფოტოს და ლინკის მოწოდებისთვის დიდი მადლობა Nikoloz Bionika-ს.

დანიილ ივანეს ძე ხარმსის მიერ აღმოჩენილი საგნები და ფიგურები

გუშინწინ ძველ დაკუჭულ რვეულებს გადავხედე და ვიპოვე ამხანაგი დანიილ ხარმსის რამდენიმე თარგმანი. ცოტა გავაშალაშინე და ვდებ "ქინძაძაზე". პუნქტუაცია არანორმალურია და დიდ მნიშნელობას ნუ მიაქცევთ. მეც იმ იდეას ვიზიარებ რომ სასვენი წერტილები, მძიმეები და ა.შ. ნელნელა ამოვიღოთ ჩვენი "მართლწერიდან", რაც უფრო საინტერესოს და უფრო "თხევადს" გახდის ნაწარმოებს. ("თხევადი ენის" კონცეფციას ალბათ ოდესმე შემოგვთავაზებს მასალის სახით მისივე ავტორი -- ამხანაგი კაპიტანი).

მოხარული ვიქნები თუ შემისწორებთ გრამატიკულ შეცდომებს და მით უფრო სრულყოფილს გახდიტ თარგმანს.
სიტყვა "РЕЕТ” ვერაფრით ვერ გადმოვთარგმნე ქართულად, ალბათ იმიტომ რომ ასეთ სიტყვას ქართული შესატყვისი არ გააჩნია. დიდი ეჭვი მაქვს რომ სიტყვა ხარმსის ორდენის "ობერიუს" ფუტურისტულ-მეტაფიზიკური კველევების ნაყოფია. :))
ასე რომ კიდევ ერთხელ მოხარული ვიქნები თუ მე-4 პუნქტში წარმოდგენილი სიტყვების: Такой предмет "РЕЕТ” -- საინტერესო ვარიანტებს შემომთავაზებთ.

დიდია მატრიცა, შეუცნობელია პროგრამული კოდი მისი.

---------------

დანიილ ივანეს ძე ხარმსის მიერ აღმოჩენილი საგნები და ფიგურები

1. ნებისმიერ საგანს მრავალფეროვანი (მრავალგვარი) მნიშვნელობა აქვს. როდესაც ჩვენ ვანადგურებთ მის ყველა მნიშვნელობას გარდა ერთისა ამით ჩვენ მოცემულ საგანს შეუძლებელს ვხდით. ხოლო როცა ვანადგურებთ ამ უკანასკნელ მნიშვნელობასაც - ამგვარად ვანადგურებთ თვითონ საგნის არსებობას.

2. ნებისმიერ უსულო თუ ადამიანის მიერ შექმნილ საგანს გააჩნია ოთხი სამუშაო და მეხუთე არსობრივი მნიშვნელობა. პირველი ოთხი არის: 1)მხაზველობითი (გეომეტრიული) მნიშვნელობა 2) მიზნობრივი (უტილიტარისტული) მნიშვნელობა 3) ადამიანზე ემოციური ზემოქმედების მნიშვნელობა 4) ადამიანზე ესთეტიური ზემოქმედების მნიშვნელობა.
მეხუთე მნიშვნელობა განისაზღვრება თვით საგნის არსებობის ფაქტით: ის ადამიანსა და საგანს შორის კავშირს მიღმაა და თვით საგანს ემსახურება. მეხუთე მნიშვნელობა -- საგნის თავისუფალი ნებაა.

3. ადამიანი, საგანთან ურთიერთობისას - მის ოთხ სამუშაო მნიშვნელობას იკვლევს. მათი დახმარებით საგანი ადამიანის ცნობიერებაში თავსდება და იქ ცხოვრობს. თუ ადამიანი გადააწყდებოდა საგანთა ერთობლიობას, რომელსაც მხოლოდ ოთხი ან სამი სამუშაო მნიშვნელობა გააჩნია -- ის შეწყვეტდა ადამიანად ყოფნას. ხოლო ის ადამიანი რომელიც იხილავდა საგანთა ერთობლიობას რომელსაც საერთოდ არ გააჩნია ოთხი სამუშაო მნიშვნელობა -- გაქრებოდა როგორც დამკვირვებელი და გადაიქცეოდა საგნად, რომელიც თვითონვე შექმნა. საკუთარ თავს ის თავისი არსებობის მეხუთე მნიშვნელობას მიაწერს.

4. მეხუთე არსობრივ მნიშვნელობას საგანი ფლობს - ადამიანს გარეთ, ანუ როდესაც კარგავს მამას, სახლს და ნიადაგს. Такой предмет "РЕЕТ”.

5. არა მხოლოდ საგნები შეიძლება იყვნენ გადამწყვეტი არამედ: ჟესტებიც და მოქმედებებიც.

6. კარადის მეხუთე მნიშვნელობა არის -- კარადა. სირბილის მეხუთე მნიშვნელობა არის -- სირბილი.

7. კარადის ბევრად უფრო რთული სიტყვიერი განსაზღვრებების და ზედსართავების უსასრულო სიმრავლე ერთიანდება სიტყვით "კარადა".

8. თუ კარადას დავტეხავდით ოთხ დისციპლინად რომლებიც შეესაბამებიან კარადის ოთხ სამუშაო მნიშვნელობას - ჩვენ მივიღებდით ოთხ საგანს, რომლებიც ერთობლივად კარადას წარმოადგენენ. მაგრამ კარადა როგორც ასეთი აღარ იარსებებდა და ასეთ სინთეზურ კარადას ვეღარ მივაწერდით ერთიანი კარადის მეხუთე მნიშვნელობას. ამ, მხოლოდ ჩვენს ცნობიერებაში გაერთიანებულ კარადას ექნებოდა ოთხი არსობრივი და ოთხიც სამუშაო მნიშვნელობა. გაერთიანების მომენტში კი ჩვენს გარეთ იცხოვრებდა ოთხი საგანი, რომელთაც გააჩნიათ თითო არსობრივი და თითო სამუშაო მნიშვნელობა.
დამკვირვებელი რომელიც მათ გადააწყდებოდა -- უკვე აღარ იქნებოდა ადამიანი.

9. საგანს ადამიანის ცნობიერებაში აქვს ოთხი სამუშაო მნიშვნელობა და -- მნიშვნელობა,როგორც სიტყვა (კარადა). სიტყვა-კარადა და კარადა-კონკრეტული საგანი -- თანასწორუფლებიანად არსებობენ კონკრეტული სამყაროს სისტემაში სხვა საგნებთან: ქვებთან და მნათობებთან ერთად. სიტყვა-კარადა კი თანასწორუფლებიანად ასრებობს ცნებათა სისტემაში ისეთ სიტყვებთან როგორიცაა: ადამიანი, უნაყოფობა, სისქელე, გადაყვანა და ა.შ.

10. საგნის მეხუთე არსობრივი მნიშვნელობა განსხვავებულია კონკრეტულ სისტემასა და ცნებათა სისტემაში. პირველ შემთხვევაში ის საგნის თავისუფალი ნებაა, მეორე შემთხვევაში კი -- სიტყვის თავისუფალი ნება (ან აზრის, რომელიც სიტყვით არ გამოთქმულა, თუმცა ჩვენ მხოლოდ სიტყვაში გამოხატულ მცნებებზე ვილაპარაკებთ).

11. საგანთა ნებისმიერი რიგი რომელიც არღვევს მათი სამუშაო მნიშვნელობების კავშირს, ინარჩუნებს არსობრივი და რიცხვით მეხუთე მნიშვნელობების კავშირს. ასეთი სახის რიგი არაადამიანურია და წარმოადგენს საგნობრივი სამყაროს აზრს (ფიქრს?). თუ ასეთ რიგს განვიხილავთ როგორც მთელ სიდიდეს და როგორც ხელახლა ჩამოყალიბებული სინთეზურ საგანს, მაშინ ჩვენ შევძლებთ მას სამი ახალი მნიშვნელობა მივაწეროთ: 1)გამომხაზველობითი 2)ესთეტიური და 3) არსობრივი.

12. თუ ამ რიგს (წყებას) სხვა სისტემაში გადავიყვანთ მაშინ მივიღებთ სიტყვების რიგს რომელიც ადამიანურად -- უაზროა.

8 აგვისტო 1927 წელი

-----

ორიგინალი შეგიძლიათ იპოვოთ მაგალითად აქ (click)

გეინიგერები კოსმოსიდან

ერთი შეხედვით საშინლად არაპოლიტკორექტული კონსტრუქცია საინტერესო ბექგრაუნდით. 1992 წელს დანიელი რეჟისორის -- Morten Lindberg-ის მიერ გადაღებული საკულტო მოკლემეტრაჟიანი ფილმი.
ფილმის დასახელება პირდაპირი ლინკია უკვდავი და გენიალური ედ ვუდის არანორმალურ ფილმზე "Plan 9",რომელსაც პირველად ვერსიაში "Gravediggers from Outer Space" ერქვა, აღსანიშნავია რომ ედ ვუდის წარმოუდგენლად გენიალური ფილმი ჰოლივუდმა "ყველა დროისა და ყველა ხალხის ყველაზე ცუდ ფილმად" გამოაცხადა. აქვე აღსანიშნია რომ ედ ვუდი არის ადამიანი რომელმაც გაუცნობიერებლად დააარსა თრეშ სინემა.

მივუბრუნდეთ გეი ნიგერებს
თრეშ სინემას მოყვარული ალბათ ნაკლებად იპოვის ამ ფილმში იმ შეურაცხყოფას რასაც ადვილად იპოვის სოციალური თეორიებით აჟიტირებული ადამიანი რომელიც არ უყურებს თრეშ სინემას.
თრეში ხომ წარმოუდგენელი აბსურდით ტკბობაა.
და ჩვენი საზოგადოების დაფარულ სანაგვეში ქექვა.
როგორც რამდენიმე ნეტ რესურსი ამბობს ფილმი სპეციალურად შეიქმნა ნეტ ტროლინგისთვის და ზედმეტად სერიოზულ ადამიანებზე საკაიფოდ.

გარდა ამისა ფილმი წარმოადგენს ძაან საინტერესო სატირაა სამეცნიერო ფანტასტიკაზე და ჟანრზე Blaxxploitation რომელიც საკმაოდ პოპულარული იყო 1970-იანების ამერიკაში. Blaxploitation ძირითადად კრიმინალური ფილმებია სადაც მთავარ როლს აუცილებლად შავკანიანი მსახიობები ასრულებენ.
მეც ჩემი მხრიდან მინდა წინაწსარ დავამატო რომ არანაირი პრობლემა არ მაქვს; შავკანიანებთან, ქალებთან და პლანეტა დედამიწასთან.
უყურეთ ფილმს როგორც პატარა საყვარელი მაგრამ ნაბიჭვარი ბავშვის ანცობას. ჰაჰა
როგორც შემთხვევით ჩაყლაპულ ციკლადოლს.
და წარმოიდგინეთ სამყარო ასეთი როგორიც ის ფილმშია, რადკალურად განსხვავებული როლის მიღება კარგია ტვინის სავარჯიშოდ.

---------



შავკანიანი ჰომოსექსუალი კოსმონავტები პლანეტა ანუსიდან შემთხვევით აღმოაჩენენ საშინელი "ქალური არსებებით" დასახლებულ პლანეტას, სახელად "დედამიწა". . .

ახალმოვლენილი კოსმონავტები საშინელ შოკში და გაუგებრობაში არიან. მაგრამ ისინი სულით არ ეცემიან, მათ აქვთ კოსმიური იარაღები და ისინი მიხვდებიან თავიანთ მისიას. ისინი გადაწყვეტენ არ დატოვონ "ბოროტი მდედრების" ხელში აღმოჩენილი "მამრი ძმები" და გადააქციონ პლანეტა გეი სამოთხედ. დიდი ძალისხმევის გარეშე შავკანიანი გეი კოსმონავტები გაათავისუფლებენ პლანეტა დედამიწას ქალთა ბატონობისგან. თავიდან შავთეთრი ფილმი ნელნელა ფერადდება და საბოლოო ჯამში თავის სიმკვეთრეს აღწევს როცა ამხანაგები რომლებმაც შეასრულეს თავიანთი მისია წასასვლელად ემზადებიან და დედამიწაზე ტოვებენ "გეი ელჩს" რომელმაც უნდა დაასწავლოს ახალ რასას ახალი ცხოვრების წესი..

მაშ ასე,

GayNiggers From Outer Space

Enjoy and comment:

Gayniggers from Outer Space (1992) (Part 1) from Pablo on Vimeo.

Gayniggers from Outer Space (1992) (Part 2) from Pablo on Vimeo.

Gayniggers from Outer Space (1992) (Part 3) from Pablo on Vimeo.

Wherever there is a male race or life form in the universe
that is oppressed by females, we'll come and free them!
FOR A GAY UNIVERSE!

-------
P.S.

text CutUpZ:

საშინლად სერიოზული კოსმონავტები.
ცუდი კოსმონავტები ჰოლივუდმა ციკლადოლს.
ტვინის სინემა.
ტვინის კონსტრუქცია ტოვებენ სინემას.
მაგრამ ამბობს კოსმონავტები იარაღები მოყვარული ციკლადოლს.
სოციალური ძალისხმევის დაფარულ პლანეტას.
როცა დატოვონ ნაბიჭვარი მსახიობები და ხალხის შავთეთრი მოყვარული კოსმონავტები.
ახალმოვლენილი სოციალური ანცობას.

არაპოლიტკორექტული ლინკია სამოთხე.

ელექტრონული საჩუქრით ხელში

"გვიანი თამაშების თბილი გამოწვევა
მწვანე როგორც არსებობის შედეგად მოწმენდილი კომუნიკაცია".

გილოცავთ!

გვიანი ოქტომბერია და თბილი მზე, მოწმენდილი ცა და მწვანე ფოთლები.
ასეთი დღეები ლამაზი კარებია ოქროს შემოდგომაში.

ამასობაში კი იგროიგმა (Mkultra-მ) თავისი "ქალაქის" მშენებლობა დაიწყო ქუთაისში.
ეს ფსიქოგეოგრაფიული ექსპერიმენტი გულისხმობს ისეთი "ადგილის" ორგანიზებას რომელიც სოციალურ დონეზე წარმოჩენილი იქნება როგორც კომპიუტერული თამაშების სარდაფი. უფრო ალბათ -- არქაული თამაშების კლუბი.
ამავდროულად კი გამოიყენება როგორც სადამკვირვებო მინი-მოდელი ექსპერიმენტატორისთვის (წაიკითხე: სარდაფის მეპატრონისთვის).

საველე სამუშაოები საშუალებას იძლევიან უშუალოდ დააგროვო - მნიშვნელოვანი პერსონალური და ჯგუფური გამოცდილება. ამავდროულად რაც უფრო ნაკლები არტისტული მარიაჟობაა გარშემო მით უფრო ბუნებრივია კომუნიკაცია, მით უფრო ადვილია ტრანსული მდგომარეობების გამოწვევა და მით უფრო საინტერესოა ორი ან მეტი ბიოკომპიუტერის შეხება - როგორც ცოცხალი თეატრი, Online შოუ გაუცნობიერებული ბიომექანიკური მსახიობების და რეჟისორების მონაწილეობით და როგორც ცდების შედეგად მიღებული მასალა, რომლის დამუშავების შედეგად იწყება ახალი ცდა და ასე შემდეგ საზღვრებამდე.

ჩვენი თეატრი (ექსპერიმენტი) დაიწყო რამდენიმე დღის წინ.
ეს იყო "სოციალური გამოკითხვა" .
ამაზე ალბათ მოგვიანებით დავწერთ ბეტატესტის ბლოგზე.

ალბათ ამიტომ არ აღიქვავს ხოლმე ბევრი ადამიანი, ვინც შემხვედრია, ჩვენს ჯგუფს - არტ ჯგუფად.
და ალბათ სწორიცაა, ELY ალბათ მხოლოდ ნაწილობრივაა არტ-ჯგუფი.

R'Lyeh -- ასე ქვია იგროიგის ქალაქს.
R'Lyeh-ში აუცილებლად უნდა მიხვიდე ძღვენით, საჩუქრით და იქიდანაც აუცილებლად მოდიხარ საჩუქრით..

ალბათ სულ მალე როცა შემოდგომა გააღებს ოქროს კარებს მე ვესტუმრები R'Lyeh-ს პატარა ელექტრონული საჩუქრით ხელში.

მანამდე კი კონკრეტული ზუსტი ანგარიში ამ კონკრეტული ფსიქოგეოგრაფიული სუბიექტების და მათი ქალაქის დაარსების, არსებობის და მიზნების შესახებ პ.ს.ქ.-ს ბლოგზე:

R'Lyeh - ფსიქოგეოგრაფიული სუბიექტის არსებობის, უფლების დეკლარაცია.

(click on words)

P.S.
სიახლე: ბლოგის ეს და მომდევნო ტექსტები გატარებული იქნება "Cut-Up"-ის მანქანაში და საინტერესო ვარიანტები დაიდება ტექსტის შემდეგ.

თბილი - კონკრეტული საინტერესოა.
გაუცნობიერებული "ქალაქის" თბილი თეატრი.
ორი მწვანე თეატრი.
მიზნების დამუშავების პერსონალური ელექტრონული "ქალაქი.
დღის არტ-ჯგუფი.
მოწმენდილი ოქტომბრის მშენებლობა.
ოქტომბერია სარდაფი.
დაიწყო სუბიექტების ზუსტი ცოცხალი დღეები.
მოწმენდილი ცა მე - კარებია ხელში.
სუბიექტის სადამკვირვებო გარშემო ცა.
ამასობაში სწორიცაა, საჩუქრით მოდიხარ ქალაქს.
გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.

გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.

გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.

გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.

გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.



P.S.2.
CUT-UP ტექნიკის ზედაპირული ვარიანტი შეგიძლიათ ელექტრონულად გამოიყენოთ ამ საიტზე:

LanguigeIsVirus

თუმცა პირველ ეტაპზე ელექტრონული ვარიანტის გამოყენებაზე გაცილებით დიდი კაიფია cut up-ის კეთება იმავე კუსტარული მეთოდით როგორითაც მას აკეთებდნენ 50 და უფრო მეტი წლის წინ. :)

მაკრატელი, ფურცლის წებო, გაზეთები და გატეხილი შინაარსის შედეგად გამოთავისუფლებულ სიტყვებზე მანიაკალური ნადირობის სურვილი -- აი ყველაფერი რაც საჭიროა კარგი cut up-ისთვის წერის პროცესში.
ხოლო Cut Up ტექნიკის გამოყენება სხვა სფეროებში - უკვე სხვა თემაა.

როგორც კი ჩამივარდება ხელv ფოტოაპარატი დავდებ ჩემს სავარჯიშო cutup-ებსაც ქართულ-რუსული მაკულატურით. ლოლ

გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.

გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.

გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.
გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.

გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.

გვიანი თამაშების თბილი გამოწვევა მწვანე როგორც არსებობის შედეგად მოწმენდილი კომუნიკაცია.